Канферэнцыя лацінскіх біскупаў арабскага рэгіёна

Канферэнцыя лацінскіх біскупаў арабскага рэгіёна (фр.: Conférence des Latins Bishop's dans les Arabes Regions, CELRA.) — калегіяльны орган царкоўна-адміністрацыйнага кіравання Рымска-Каталіцкай царквы, які аб'ядноўвае царкоўную іерархію Бахрэйна, Джыбуці, Егіпта, Ізраіля, Іарданіі, Ірака, Емена, Катара, Кіпра, Кувейта, Лівана, Аб'яднаных Арабскіх Эміратаў, Амана, Палесціны, Саудаўскай Аравіі, Сірыі і Самалі. Канферэнцыя лацінскіх біскупаў арабскага рэгіёна ажыццяўляе пэўныя пастырскія функцыі, накіраваныя для рашэння літургічных, дысцыплінарных і іншых пытанняў, уласцівых для каталіцкай абшчыны арабамоўных дзяржаў, Кіпра і Ізраіля. Вышэйшым органам Канферэнцыі з'яўляецца агульны сход біскупаў і архібіскупаў. Рашэнні Канферэнцыі лацінскіх біскупаў арабскага рэгіёна зацвярджаюцца Рымскім Папам.

Гісторыя

Канферэнцыя лацінскіх біскупаў арабскага рэгіёна была створана ў 1967 годзе сумесным дэкрэтам Кангрэгацыя евангелізацыі народаў і Кангрэгацыі па справах Усходніх цэркваў. 23 жніўня 1986 года Святы Прастол зацвердзіў Статут Канферэнцыі лацінскіх біскупаў арабскага рэгіёна.

Удзельнікі канферэнцыі

Дыяцэзіі	Дзяржавы
Лацінскі Патрыярхат Іерусаліма	Ізраіль, Іарданія, Кіпр, Палесціна
Архідыяцэзія Багдада	Ірак
Дыяцэзія Джыбуці	Джыбуці
Дыяцэзія Магадыша	Самалі
Апостальскі вікарыят Бейрута	Ліван
Апостальскі вікарыят Александрыі Егіпецкай	Егіпет
Апостальскі вікарыят Алепа	Сірыя
Апостальскі вікарыят Паўднёвай Аравіі	ААЭ, Аман, Емен
Апостальскі вікарыят Паўночнай Аравіі	Саудаўская Аравія, Бахрэйн, Кувейт, Катар

Прэзідэнты канферэнцыі

• Альберта Горы (1965—1970);
• Джакама Джузэпэ Бельтрыці (1970—1987);
• Мішэль Саба (1987—2008);
• Фуад Туаль (2008 — па цяперашні час).

Крыніца

• Annuario Pontificio, Libreria Editrice Vaticana, Città del Vaticano, 2003, ISBN 88-209-7422-3

Спасылкі

• Інфармацыя пра Канферэнцыю лацінскіх біскупаў арабскага рэгіёна (англ.)
• Інфармацыя (англ.)